Contact Us

Use the form on the right to contact us.

You can edit the text in this area, and change where the contact form on the right submits to, by entering edit mode using the modes on the bottom right. 

           

123 Street Avenue, City Town, 99999

(123) 555-6789

email@address.com

 

You can set your address, phone number, email and site description in the settings tab.
Link to read me page with more information.

people-690810_1280.jpg

Blog

Regueifas de Ciencia, debemos priorizar a seguridade fronte á privacidade dixital?

Leonor Parcero

Regueifas de Ciencia é unha iniciativa da Universidade de Santiago de Compostela e está financiada pola FECYT (Fundación Española para a Ciencia e a Tecnoloxía), pertencente ao Ministerio de Economía, Industria e Competitividade e celebrouse por primeira vez en 2016.

O vindeiro xoves 1 de xuño celebrarase o segundo debate de 2017, no que se tratará de responder á pregunta ?Debemos priorizar a seguridade fronte á privacidade dixital??. O evento comezará ás 20.00h na Facultade de Comunicación da Universidade de Santiago de Compostela e será retransmitido por streaming.

Ao longo de 2017 exporanse, ademais de leste, outros dous debates sobre temas candentes: a edición xenética, a investigación para alongar a vida humana, a eutanasia ou a enerxía nuclear son algún dos asuntos na lista de opcións da organización

Tras o éxito da primeira edición, que reuniu a preto de 1.500 persoas nos eventos en vivo, e do bo arranque en 2017, que volveu encher o auditorio, Regueifas de Ciencia anuncia unha nova cita o día 1 de xuño. 

Os avances nas tecnoloxías da información e comunicacións multiplicaron de forma exponencial a nosa capacidade de comunicación e de intercambio de información, modificando de forma radical as dinámicas da sociedade, da nosa vida e da nosa intimidade. Xa non hai distancias nin barreiras, todo está ao noso alcance e xa non hai fronteiras.

Esta situación exponnos dous retos principais: a seguridade e a privacidade.
Como consecuencia da nosa actividade diaria, imos deixando un rastro dixital que pode pór en risco a nosa privacidade (pensemos tamén na biometría, o procesado de imaxe, o big data...). Protexela é esencial, pois diso depende a nosa liberdade.

Doutra banda, as ameazas como o terrorismo imponnos unha serie de medidas, como a vixilancia masiva, necesarias para a prevención destes ou outros ataques contra a nosa integridade, contra a nosa vida. 

Ademais, este reto non só se nos expón desde a perspectiva das forzas de seguridade dos estados ou as axencias de intelixencia, tamén está o mercado. As empresas tecnolóxicas ou o sector publicitario teñen un papel tanto ou máis importante neste asunto que os propios gobernos (lembremos, por citar un recente, o caso do iPhone e a FBI).

Como xa nos dixo Bentham, saber que estamos a ser observados ou simplementepensar que podemos estalo afecta o noso comportamento e prívanos da nosa liberdade, porque o vixiante está na nosa cabeza.
En consecuencia, o debate está moi vivo: Existen garantías de privacidade fronte ao estado ou as empresas? Os nosos datos persoais... son nosos? Se a nosa lexislación garante a nosa privacidade, estamos a dar espazo aos criminais? Estamos a ser observados?

Os relatores serán:

  • Marta Peirano, xornalista eldiario.es, fundadora de Cryptoparty Berlin e co-directora de COPYFIGHT
  • Paloma Llaneza, Avogada especialista en Dereito Tecnolóxico
  • Eduardo Casas, Corpo Nacional de Policía, Unidade de Investigación Tecnolóxica
  • Alberto Calero, Enxeñeiro de Telecomunicación, A&J Calero e Maven7

Sobre Regueifas de Ciencia
Ao longo de 2016, saltaron ao ring de Regueifas de Ciencia destacadas personalidades de diferentes campos e debateuse sobre transxénicos, o posible cambio de fuso horario para España, experimentación animal en ciencia e mesmo sobre o eterno dilema de se ciencia e fe son compatibles. Algunha das caras máis coñecidas entre os relatores da primeira edición foron Jorge Mira, JM Mulet, Antonio Martínez Ron, Fernando Savater ou Fernando Sánchez Dragó.

Un dos aspectos máis interesantes da iniciativa é precisamente que os relatores teñen perfís moi variados: científicos, filósofos, escritores, investigadores, divulgadores, xornalistas, profesores... logrando conformar entre todos unha magnífica fonte de información para a audiencia sobre temas que, a priori, poderían non ser fáciles de comprender e sobre os que pode custar situarse. 

Esta actividade pretende facilitar esta tarefa. Regueifas de Ciencia son eventos de libre acceso (ata completar aforo), que se retransmiten por streaming e que quedan gravados, facendo posible gozar dos debates á carta desde a páxina web (www.regueifas.org) ou a súa canle de Youtube.

O debate
O estilo destes debates denomínase tipo "Oxford", o que implica que hai dous equipos (neste caso formados por dúas persoas), un moderador e tempos pautados para cada intervención (intervencións, réplicas e contrarréplicas). 
Ademais, ao final ábrese unha quenda de preguntas para que o público poida resolver as dúbidas que se puidesen quedar despois de escoitar os argumentos das partes.

Votación electrónica
Outro dos aspectos innovadores de Regueifas de Ciencia é que o público pode opinar. Antes de empezar co debate, pregúntase ao público con cal das dúas posturas está, realizando unha votación electrónica da que non se publica o resultado.
Ao terminar o debate, o moderador repetirá a pregunta, o público volverá responder, publicando esta vez os datos para comparar se houbo cambios de posición na audiencia.


 

- Alberto Calero -

Leonor Parcero

É membro do consello de diversas compañías tecnolóxicas, Presidente de A&JCalero Engineering e partner de Maven7, compañía punteira na ciencia das redes. Colaborou con Laszlo Barabasi desde 2002 en proxectos de ciencia de redes e foi parte activa dos desenvolvementos desta ciencia nos últimos 10 anos.

Alberto Calero foi ata 2011 membro do comité de Dirección de France Telecom España (Orange) e Director da oficina do CEO onde tivo a responsabilidade de traballar a nivel do grupo na anticipación en áreas estratéxicas de crecemento do mercado (Saúde, Enerxía, internet das cousas).

Alberto Calero foi tamén Director da Unidade de Novos Servizos onde tivo a responsabilidade do desenvolvemento dos servizos móbiles de datos, innovación e contidos.

Antes de incorporarse a Amena, traballou en compañías como o Grupo Prisa como Director Xeneral de Innovación e Tecnoloxía dependendo directamente do CEO e formando parte do comité de Dirección do Grupo. Tamén foi director de Mercadotecnia de Kodak en España e Portugal así como director de Mercadotecnia de Hewlett-Packard en España, Italia e Portugal. En HP tamén foi o director da rede de innovación da compañía e novos servizos de Internet, e en Telefónica onde traballou na división de Enxeñaría de sistemas.

- Eduardo Casas -

Leonor Parcero

Eduardo Casas Herrer, nacido en Zaragoza, é técnico superior en informática e membro do Corpo Nacional de Policía. Desde 2004 traballa na Unidade de Investigación Tecnolóxica. Está especializado na loita contra a explotación sexual de menores, pola que foi condecorado en varias ocasións. É membro permanente do Grupo de Expertos en Identificación de Vítimas de Interpol, que se encarga da localización de nenos explotados sexualmente en Internet e dos seus agresores.

É profesor honorario da Universidade Autónoma de Madrid, onde imparte leccións de posgrao para o Instituto de Ciencias Forenses e da Seguridade, e da Universidade Complutense de Madrid, para a que dá clase no terceiro curso de Criminoloxía. Dá charlas e conferencias en diversas entidades, desde colexios a deputacións provinciais.

É autor do libro de divulgación sobre delitos en Internet La red oscura (A Esfera dos Libros, 2017) e, ademais, dúas novelas, Cristal traslúcido e El juez de Sueca. Gañou máis de vinte concursos de narrativa curta.

Foi convidado de forma ocasional a medios de comunicación como divulgador, entre os que destaca en 2017 a Cadena Ser e Radio Nacional de España. En prensa escrita apareceu, entre outros, en El Mundo, El Diario, ou o Heraldo de Aragón, El Imparcial ou Las Provincias. Tamén protagonizou un episodio de "Crónicas", para TVE e de "Unidades do CNP" para Crime&Investigación.

Mantén unha activa presenza nas redes sociais, en Twitter baixo o nome de usuario @AguilaKen.

- Marta Peirano -

Leonor Parcero

Marta Peirano é unha escritora e xornalista e dirixe dende 2013 a sección cultural do xornal dixital eldiario.es, onde tamén é adxunta ao director. Fundou CryptoParty Berlín, unha iniciativa arredor de cuestións sobre provacidade e seguridade en internet. Foi fundadora de Elástico, un colectivo multidisciplinar co que codirixiu o proxecto COPYFIGHT en 2005 sobre cultura libre.

Escribe sobre cultura libre, autómatas, seguridade e privacidade, dereitos en internet e criptografía para xornalistas.

 

- Paloma Llaneza -

Leonor Parcero

Desde 1993 é socia directora do bufete especializado en dereito tecnolóxico Razona LegalTech e letrada colaboradora nos Servizos Xurídicos do Ilustre Colexio de Avogados de Madrid, así como árbitro da Corte de Arbitraxe para temas tecnolóxicos desde 2000. Así mesmo, desde decembro de 2013, é Presidenta da Sección de Dereito TIC.
É fundadora e presidenta de AEDEL, a asociación de desenvolvemento das evidencias electrónicas líder en España, que participa en diversos programas do Sétimo Programa Cadro. Ademais, no 2002 fundou ISACA-Capítulo de Madrid e foi secretaria da devandita asociación durante o segundo mandato.
É editora da norma sobre correo electrónico certificado (Parte 1 e 4), das normas sobre "Long Term Preservation" e aquelas sobre Trust Service Providers (tanto de requisitos como de conformidade) dentro do Mandato da Comisión Europea de racionalización dos estándares de firma electrónica.
Desde 2010 é membro do Comité Científico da Revista Telos (Revista sobre comunicación, tecnoloxía e sociedade da Fundación Telefónica). Coordinou o caderno da Revista Telos 85 "Os dereitos fundamentais en Internet".
En 2015 foi coordinadora do grupo I (Legal e Privacidade) no Centro de Estudos de Mobilidade e árbitro da Corte de Arbitraxe da Cámara de Comercio de Madrid.
Desde 2004 en AENOR é coordinadora do SC27 de Normas de xestión de seguridade (familias 27000) e editora da Norma Internacional de Métricas ISO/IEC 27004.

- Julio Basulto -

Leonor Parcero

-Dietista-Nutricionista, colexiado nº CAT000943 (Col·legi de Dietistes-Nutricionistes de Catalunya)

-Conferenciante en máis de 100 ponencias. Información sobre as máis recentes en:  http://juliobasulto.com/conferencias/

– Docente en diferentes institucións. Info.

– Membro de diferentes Grupos, Paneis, Sociedades ou Comités de Expertos. Info.

– Colaborador habitual en Radio Nacional de España e outros medios. Info.

– Coautor dos libros No más dietaSecretos de la gente sana, Comer y Correr y Más vegetales, menos animales (octubre 2016). Autor dos libros Se me hace bola y Mamá come sano (marzo 2015)

– Autor ou coautor de diferentes publicacións. Info (pdf).

E, sobre todo, namorado de Olga Ayllón e papá de tres preciosidades: María, Ana e Clara.